【拳王】黃子恒拍畢擂台戲激動落淚 譚俊彥僅1分鐘騷超強演技

娛樂

發布時間: 2021/11/30 15:07

最後更新: 2021/11/30 15:38

分享:

分享:

《拳王》

TVB台慶劇《拳王》在昨晚(11月29日)劇情講黃子恒飾演的葉迎風,以駿風拳館代表身份打入泰拳冠軍賽,迎戰石傲山(黎耀祥飾)旗下拳館Gavin Fitness的代表。

拳賽甫開始,迎風因舊患復發處於下風,但憑著驚人意志扭轉劣勢。眼見勢色不對的祥仔,出口術令金爺(李國麟飾)向拳賽評判施壓,最後迎風含恨落敗。

細心觀看該場賽事,除發現胸膛操得相當結實的子恒體型弗到漏油外,其拳腳功夫亦相當有睇頭,尤其踢腿動作,不但有力,而且踢腳踢得相當高,足證其下了不少苦功。

【拳王】姚子羚剪掉長髮演女強人 賴慰玲女人味無限大爆發

最新影片推介:炎明熹專訪

《拳王》監製陳耀全(Andy)坦言該場拳賽戲難度極高,故劇組除已事先安排定替身給子恒外,負責動作指導的冼灝英師傅亦沒有為子恒設計太高難度動作。

不過對自我要求頗高的子恒,認為既然要飾演拳王就要似模似樣,故除了堅持所有動作均親身上陣、拒用替身外,並即場要求冼師傅教授高難度動作,務求令拳賽拍出來更像真。

結果子恒亦不負眾望成功完成所有拍攝,現場所有「見證」賽事的其他演員均大讚他打得出色,Andy透露子恒拍畢該場戲後翻看Playback時,更激動落淚。

黃子恒感激陳偉洪

對此子恒回應指最感動是CUT機後現場所有人、包括演員和幕後均為他鼓掌:「其實好多動作我之前都未做過,到真係做到嗰吓其實好激動亦好感動;成日諗如果我畀唔到難度高嘅動作出嚟,會對唔住葉迎風呢個角色,希望觀眾係真係會覺得,葉迎風係真係識打拳嘅。」

子恒又感激飾演其對手的陳偉洪謂:「對手好緊要,如果大家有留意踢膝嗰吓其實相當近,佢為咗拍出嚟效果好,好肯『硬食』我啲招式,佢咁樣令我啲動作做得更加放心。」

譚俊彥短短一分鐘的戲份已盡騷演技。

譚俊彥展演技

另外,迎風昨晚的一幕雨中落寞戲份亦相當有意思,海正藍目睹該幕後,即想起當年哥哥正曦(譚俊彥飾)在生時,亦曾因不公平的制度輸掉一場拳賽感到耿耿於懷,似是暗示著正藍與迎風將有與哥哥一樣深厚的緣份。

而譚俊彥全程含著淚訴說自己有多不甘心,短短1分鐘戲份已充份演繹出拳手的辛酸及對公義的堅持,難怪視帝呼聲甚高。

子恒笑指該場戲最難忘部份是相當凍:「嗰日突然翻風、得11度左右,我當時嘅戲份係棉質嘅短衫同裋褲,一瞓落地超級索水同埋超級凍,好彩嗰日現場咁啱有風筒咋!但其實我幾鍾意呢啲場口,因為真係拍戲先做到。」

撰文 : TOPick柴犬出動